Wednesday, February 29, 2012

Tuksuhan

Tinutukso kami ng barkada. Ako at si Dek. Mina-match nila kami nang pilit. Lagi na lang at napapag-isip na ako kung nagbibiro nga lang ba sila o seryoso na.

Nagsimula ang lahat nang magpunta kami sa Galera last year. Ka-merge ng barkada namin ang barkada nina Dek. At dahil may bagong company, getting-to-know-you siyempre. Inuman kami sa room at kinalaunan, may Q and A portion na para sa higit na pagpapakilala sa aming mga sarili.

Isa sa mga naging tanong na kailangang sagutin ng lahat ay: “Sino ang crush mo sa kabilang grupo?”

Wala, ang unang naisip ko. Kaya lang naisip ko rin na ayokong maging corny. So, inisip ko na lang kung sino ‘yung pinakamabait sa akin, ‘yung pinakamagaan ang loob ko. Naaalala ko noong nasa port kami, kausap nang kausap sa akin si Dek. Feeling close. Na para bang matagal na kaming friends. At dahil ako ang unang sasagot, hindi na ako nag-dalawang isip, basta sinabi ko na lang, si Dek.

Hindi ko inaasahan ang pag-ulan ng mga kantiyaw na para bang napakalaking pag-amin ang aking ginawa. Namula si Dek. At namula na rin ako dahil parang bigla akong napahiya sa naging reaksiyon ng grupo. Sinubukan kong mag-explain na ang pakahulugan ko sa “crush” ay kung sino yung pinaka-gusto ko ang ugali. Pero wala nang nakinig.

Tapos, tinanong nila si Dek kung crush din daw ako. Ewan ko kung ayaw niya lang akong mapahiya o gusto niya lang i-humor pa ang grupo, sumagot siya ng “oo”. Ayun, nagsigawan na ang lahat na may palakpakan pa.

Pero ang totoo, may boyfriend na si Dek. Nasa ibang bansa. At ako naman, wala talaga. As in, wala akong feelings kay Dek. Di ko talaga siya “crush” sa totoong kahulugan ng salita. Kaya lang wala na kaming magawa maliban sa sumakay na lang para sa ikasasaya ng barkada.

Mabuti na lang after that, wala namang nabago sa pakikitungo sa akin ni Dek. In fact parang naging close pa kami. Actually, naging close ‘yung dalawang grupo namin at naging permanente na ang merging. Sa ngayon, isang barkadahan na kami na regular na nagkikita-kita at lumalabas.

At sa bawat paglabas-labas namin, hindi maaaring hindi kami makantiyawan. Para sa kanila, kami na ni Dek ang magka-loveteam at patuloy ang kanilang matchmaking.

There was a time na lasing na ang lahat, at ayun, kami na naman ni Dek ang napagkatuwaan. May nag-dare sa amin na mag-kiss. Na sinegundahan ng iba pa. At dahil lasing na nga, wala kaming naging hesitation ni Dek and we just went for it. Mga ilang segundo ring naglapat ang aming mga labi amid the cheers of our friends.

Nang kami ay magbitiw, nag-linger ang feel ng lips niya sa lips ko. Iwinaksi ko ang kakaibang pakiramdam higit lalo nang kami ay magkatitigan. Awkwardly, nagkangitian na lang kami.

After that, balik sa normal. Text-text na uli na parang walang nangyari. May mga pagkakataong nagte-text siya sa akin ng love quotes sa kalagitnaan ng gabi but I refuse na bigyan iyon ng kahulugan na lagpas sa boundaries ng friendship.

Siguro dahil minsan na rin naming napag-usapan ni Dek ang tungkol sa kanila ng kanyang boyfriend. Kung gaano niya ito kamahal at kung ano ang kanilang mga plano sa hinaharap. At sa pagkakataong iyon, wala akong nakitang puwang sa anumang pakikipagmabutihan niya sa iba (not necessarily sa akin) dahil LDR man, matatag ang kanilang relasyon at faithful siya.

At saka, hindi ko talaga siya crush. Nababaitan lang ako sa kanya kaya may soft spot siya sa akin. Swear!

Gayunpaman, nagpatuloy kami sa pagsakay sa mga biro ng barkada. Although deep inside, mayroon na akong demarcation line na nagtatakda kung hanggang saan lang ang dapat kong maramdaman.

Two Saturdays ago, biglang nagkayayaan ang grupo na mag-Malate. Unfortunately, kakapa-doktor ko lang at under medication ako. So hindi ako puwede.

“Bakit, anong nangyari?” ang text niya sa kin.

“May mga rashes ako sa mukha. Allergies,” ang sagot ko.

“Ok ka lang?”

“Yeah. May iniinom na akong gamot. I’ll be fine.”

Patlang.

Maya-maya, nagtext uli siya.

“Magpagaling ka para hindi ako mag-worry.”

Really, now!

Hinayaan ko ang aking sarili na bahagyang tawirin ang bakod ng aking emosyon. Hinayaan kong kiligin ako nang kaunti.

“Thanks.” May smiley sa reply ko.

Masarap pa rin sa feeling iyong may nag-aalala sa’yo… may nagpapahayag ng care.

Kahit alam mong nagtutuksuhan lang kayo.

Sunday, February 26, 2012

Eleven

Tagged by Jelai. Hindi ko alam kung bakit 11. Bakit nga ba? Buti na lang 11 lang dahil mahirap ding sumagot at mag-isip.

11 THINGS ABOUT ME
1. Hindi ako takot sa ipis at daga pero takot ako sa butiki.
2. I can swim, I can ride a bike, I can even skate but I cannot drive.
3. I consider myself semi-retired na sa party scene. Minsan-minsan na lang ako ngayon kung lumabas. Di katulad dati na kumpleto ang attendance ko every Saturday.
4. Kapag feel kong pumunta sa Malate, kahit mag-isa, go ako. Marami naman akong kakilala roon. At marami rin akong nakikilala kapag mag-isa lang ako. :)
5. Kapag magulo ang isip ko, nag-aayos ako ng cabinet.
6. Minsan ko nang nasubukang magturo. One sem lang. I liked it pero may dumating na mas magandang job offer.
7. Umekstra ako noon sa isang pelikula. Ipinamalita ko. Nang mag-showing, nanood ang buong pamilya at mga kaibigan ko. Unfortunately, na-edit ang part ko. Hahaha!
8. Paborito ko ang kumbinasyong tuyo at scrambled eggs. Kahit papag-ulamin mo ako nito ng isang linggo, hindi ako magrereklamo. Basta may suka lang.
9. Nagkaroon na ako ng published poems sa magazines. Pero stories, wala pa.
10. May mga kuwento akong nabuo sa pamamagitan ng sulat kamay. Kabilang na rito ang Flight at Baby Baby.
11. Marunong akong mag-drawing. Hindi ko lang masyadong napag-uukulan ng panahon.

ANSWERS TO JELAI'S 11 QUESTIONS
1. Sarah G. or Angeline Quinto?
Sarah G.
2. Naniniwala ka bang bakla si Piolo?
Um, yes?
3. Ano ang pinakana-enjoy mong ginawa nung high school ka pa?
Ang sumali sa stage plays.
4. If only you can turn back time, ano ang gusto mong balikan?
Yung time na hindi ko kailangang mag-diet para pumayat. Yung kahit anong kainin ko, hindi ako tumataba.
5. Give 5 things na nakakapagpasaya sa'yo.
Books, internet, bakasyon, comments sa posts, dagdag na followers.
6. Life with Facebook or life without it. And why?
Without. Wala akong Facebook at mukhang wala naman akong masyadong nami-miss.
7. Pag naliligo ka anong bahagi ng katawan ang una mong binabasa?
Ulo.
8. What is your wildest fantasy?
In bed with all my ex-es! Hahaha!
9. Sinong movie character ang nakakapag-remind sa'yo about yourself? Yung pag pinapanood mo 'yung movie, nasasabi mo sa sarili mong "Hala, parang ako lang!" and why?
Samantha sa “Sex and the City”. Charing! Si Carrie na lang siguro. :)
10. Ano ang pinakaayaw mong tinatanong sa'yo ng mga tao?
Kelan ka mag-aasawa?
11. Kung ibang tao ka, magkakagusto ka ba sa sarili mo? At bakit?
Oo. Tingin ko kasi sa sarili ko, maganda ako. Choz! Hahaha!

11 QUESTIONS TO BE ANSWERED BY MY TAGGED FRIENDS
1. Bukod sa Blogspot, ano ang website na palagi mong binibisita?
2. Ano ang una mong ginagawa pagkagising sa umaga?
3. Ano ang huli mong ginagawa bago matulog sa gabi?
4. Ano ang iyong sleeping attire?
5. Ano ang paborito mong ulam?
6. Sino ang iyong ultimate celebrity crush?
7. Ikuwento nang maiksi ang iyong most embarrassing experience.
8. Ano ang mas mahalaga sa iyo, pera o ganda? Ipaliwanag.
9. Paano o saan mo ginugugol ang iyong free time?
10. Ano ang iyong ultimate dream sa buhay?
11. Kung magbubukas ka ng isa pang blog, magiging tungkol saan ito o ano ang magiging tema nito?

Now, for those who will be tagged, here are the rules:
* Post 11 things about yourself
* Answer the tagged questions
* Create 11 questions to be answered by your tagged friends

I am tagging Nimmy, Leo, Ester, Caloy, Pilyo, Elay, Baklang Maton, Bien, Ms. Chuniverse, Zirjaye, Arjee.

Wednesday, February 15, 2012

P.S. I Love You

Dahil nasimulan ko kahapon, pangangatawanan ko na ang pagiging Quotation Queen (pasintabi kay Janice De Belen na siyang may hawak ng title dahil sa kanyang infamous na “God was with us when we did it.”). But this time, hayaan ninyong i-quote ko ang sarili ko sa pamamagitan ng mga linyang nagmula sa mga kuwento ko. There are, indeed, a hundred and one ways to say “I love you” at naririto ang ilan sa mga nasulat ko.

***

“Ang hirap na araw-araw, nakikita kita at nakakasama. When you do good things to me or when you simply smile at me, lalo akong nahihirapan dahil lalo kitang minamahal. You have no idea how hard it is for me… loving you more each day and just keeping it to myself.” – Umbrella

***

Dahil iba ang tingin ko sa kanya. Dahil higit sa halik at yakap ang gusto ko sa kanya. Dahil higit sa isang gabi lamang na pakikipag-relasyon ang gusto ko sa kanya. Gusto ko, siya na! – The One That Got Away

***

“I decided to let go… to forget him kahit mahal ko na siya. I was smarting from my hurt nang magkakilala tayo. Kaya nakipagsayaw ako sa’yo… nakipaglaro. Wala akong inaasahan mula sa iyo pagkatapos ng gabing iyon. But I can’t get you out of my mind. Kaya tinext kita. Niyayang lumabas. The more I knew you, the more I liked you. You made me happy. Ikaw na ang iniisip ko at hindi na siya. Ikaw na ang gusto ko.” – Panakip-Butas

***

Ewan ko ba, what’s with you. Bakit kaya kahit nakakalimutan na kita… kapag nagparamdam ka, balik na naman ang feelings ko sa’yo na parang hindi nawala. Isang text mo lang parang napindot na naman ang switch ng puso ko at muling magsisindi ang pagmamahal ko sa’yo.

Siguro dahil iba ka at iba ang naging pagmamahal ko sa’yo. Kahit sinaktan mo ako noon, naroroon pa rin, hindi nawawala ang pagtatangi ko sa’yo. Siguro dahil sa mga maliliit na bagay na patuloy mo pa ring ginagawa para sa akin na nagpapakitang mahalaga pa rin ako sa’yo… na naaalala mo pa rin ako… na ayaw mong maputol ang ating connection… na gusto mo pa rin akong i-keep sa buhay mo… kahit bilang isang kaibigan na lang. – Muli

***

Sa kanya lang talaga ako nagbigay ng second chance sa relasyon. Mahal ko kasi talaga siya. Siya kasi ang sumagip sa akin noong mga panahong nalulunod ako sa lungkot. Siya ang muling nagbigay kulay sa aking mundo noong nagdidilim ito. Siya ang nagbigay dahilan sa akin upang muling ngumiti at maging masaya.

Kahit nagkahiwalay kami, hindi na muling nawala ang mga positibong bagay na natutunan ko sa kanya. Naging madali sa akin na tanggapin siyang muli because I have always loved him. I have always longed for him. Getting back together was like coming home. – Hanggang Ngayon

***

“Don’t get me wrong. First impression lang yun. Hindi ko na nakikita si Ramir sa’yo ngayon. Ikaw na mismo ang nakikita ko, ang pagkatao mo at ang mga katangian mo. Kaya nga I appreciate you even more. Kung si Ramir pa rin ang nakikita ko sa’yo, lalayuan na kita dahil magdududa ako sa sarili ko kung bakit gusto kong maging close sa’yo.” – Angkas 3

***

Muli akong tumitig sa kanyang mga mata. At pagkaraang mahanap ko roon ang sagot sa aking mga tanong, ako ay nawala. The feeling of being with someone so beautiful and so caring was so overwhelming I just decided to let go and immerse myself in it. – Maybe

***

“Mahal na mahal pa rin kita. Walang nababago sa nararamdaman ko sa’yo. Kaya lang sinira ko na ang sarili ko. Pati tayo, sinira ko na rin. I am not anymore worthy of your love. I am not asking you to love me back. Ang hinihingi ko lang, sana patawarin mo ako.” – The Love I Lost

***

“Sa maniwala ka man at sa hindi, first time ko rin yun. Sa same sex. Hindi ko alam kung ano ang nagtulak sa akin upang gawin iyon. Maybe it was the look in your eyes… ang kalungkutang nakita ko roon na naghahanap ng karamay. Maybe I just wanted to comfort you and I went along with the flow. Pero wala akong pinagsisisihan sa nangyari. And I am glad it happened with you.” – Two Old Friends 4

***

“Sabi ko nga, lagi pa rin kitang naaalala. Hindi ko nakakalimutan ang mga importanteng araw na may kinalaman sa’yo. Pati nga anniversary natin, alam ko pa rin.” - Still

***

“Bakit ganoon, when I think of somebody I want to make love with, ikaw ang naiisip ko. When I pleasure myself, ikaw ang ini-imagine ko.” – Pag-uulayaw

***

Inisa-isa ko ang kanyang mga pisikal na katangian. Binusog ko ang aking mga mata sa kanyang makisig na kabuuan. Nag-uumapaw ako sa saya.

Subalit kinalaunan, nakadama ako ng lungkot dahil sa napipinto naming paghihiwalay. At pangamba dahil walang katiyakan kung kailan uli kami magkikita.

Kung maaari nga lang na pigilan ko sa pag-usad ang mga sandali upang manatili kami sa gayong kalagayan. Kung maaari nga lang na maging ganoon na lang kami habang buhay. – Dove 7

Tuesday, February 14, 2012

HVD

Aba, nag-uuulan na naman
Nalalagas tuloy ang mga bulaklak
Ano pa ang bangong sasamyuin
Ng mga paru-parong masintahin
Sabagay, hindi na rin sila makalipad
Dahil basa ang mga pakpak
At ano pa ang talulot na susuyuin
Gayong inaanod na ng tubig
Naku, paano na iyan
Valentines pa naman
Huwag sabihing ang pag-iibigan
Ng mga paru-paro at bulaklak
Ay mauuwi sa kabiguan
Naku, sana naman ay huwag
Sana tumigil na ang ulan
Bago pa mahuli ang lahat.

13 pebrero 2012
3:45 p.m.
balkonahe


***

Kahit loveless, ayokong magmukhang “Scrooge” sa araw ng mga puso kaya heto, may paramdam pa rin ako. Parang text lang, send ako ng quotes dahil wala akong masabi pero gusto kong mag-hello.

***

Love is not blind - it sees more, not less. But because it sees more, it is willing to see less. - Julins Gordon

True love is when you put someone on a pedestal, and he falls - but you are there to catch him. - Anonymous

Being deeply loved by someone gives you strength while loving someone deeply gives you courage. - Lao Tzu

Love may not make the world go round, but I must admit that it makes the ride worthwhile. - Sean Connery

When you fish for love, bait with your heart, not your brain. - Mark Twain

If ever there is tomorrow when we’re not together... there is something you must always remember. You are braver than you believe, stronger than you seem, and smarter than you think. But the most important thing is, even if we’re apart... I’ll always be with you. - Winnie the Pooh

***

Happy Valentine’s Day, mga vaklush! :)