Saturday, November 15, 2008

Isang Gabi

Mga linyang hinabi sa mga hibla ng lungkot at ligaya...

***

Maalinsangan ang gabi
Na sinisiklot-siklot
Ng hangin
Habang ang aking puso
Ay sinusundot-sundot
Ng mga alaala
Sa pag-iisa.

Maalinsangan ang gabi
Na tinutukso-tukso
Ng buwan
Habang ang aking kabuuan
Ay dinadampi-dampian
Ng pananabik
Sa mga halik.

Maalinsangan ang gabi
Na umaandap-andap
Ang liwanag
Habang ang aking katawan
Ay umiinda-indayog
Sa tugtog
Ng paghahanap.

***

Isang gabi iyon
Na lahat ay nagpapatianod
Sa maharot na tugtog
At ilaw na humahaplos.

Isang gabi iyon
Ng pakikipagtuos sa lungkot
At pag-apuhap ng ligaya
Sa malamig na pag-iisa.

Isang gabi iyon
Na ikaw ay naghandog
Ng mapang-akit na mga titig
At maalab na mga halik.

Isang gabi iyon
Na ako ay nagpakalunod
Sa mapusok mong pag-indayog
At nakababaliw na mga hagod.

7 comments:

joaqui_miguel said...

One night you are sad, then the next you are happy. That's life! I hope happiness will go on and on and on...

I guess, somehow hibernation did you good. :)

JoShMaRie said...

Mga linyang hinabi sa mga hibla ng lungkot at ligaya...-ASTEG NAMAN. MAKATANG MAKATA! :)

MkSurf8 said...

haay sarap naman magpakalunod sa sarap! ;-)

dodong said...

ayos! nakakainit ng katawan din...hehehe

Hammed said...

Nice poem. Loved it.

Aris said...

@joaqui_miguel: sana nga mula ngayon, lagi nang masaya. wish ko rin yan para sa'yo. :)

@joshmarie: balagtasan ba? lol! :)

@mksurf8: i agree hehe! :)

@dodong: salamat po sa pagbisita. it is an honor! binabasa ko rin ang blog mo. :)

@hammed: thank you very much. i am happy to hear from you. please drop by again soon. :)

joaqui_miguel said...

Thank you! :)