Saturday, August 30, 2008

Stages

Nahalungkat ko ang mga tulang sinulat ko noon minsang nagligpit ako ng aking mga kalat. Mula sa mga nahalungkat ko, pinili kong ibahagi ang tatlong tulang ito na sinulat ko noon para sa isang tao. May kuwentong nakapaloob sa mga tulang ito na naglalahad tungkol sa tatlong stages na pinagdaanan ng isang limot na pag-ibig.

***

First Stage: First Love
(Nagkakahiyaan kami noon kahit nagkakagustuhan. Nahihirapang umamin sa nararamdaman.)


HAPLUSIN MO AKO
KAHIT NA AKO’Y ISANG MAKAHIYA

Haplusin mo ako
Kahit na ako’y isang makahiya
Magtakip man ako ng mukha
O kaya’y magpikit ng mata
Bubuka at bubuka
Ang mga dahon kong nangungulila.

Haplusin mo ako
Kahit na ako’y isang makahiya
Itakwil ka man ng aking pandama
At ako’y mapipi sa salita
Maghahanap at maghahanap
Ang labi kong uhaw sa paglingap.

Haplusin mo ako
Kahit na ako’y isang makahiya
Iwasan ko man ang iyong titig
At itago ang aking dibdib
Sisilang at sisilang din
Sa mga sanga ko ang pag-ibig.

Haplusin mo ako
Kahit na ako’y isang makahiya
Magmistula man akong patay
At ipagluksa ang kalungkutan
Mga haplos mo ang siyang bubuhay
Sa pangarap kong nahihimlay.

***

Second Stage: First Sex
(Nakitulog ako noon sa kanila. Unang beses naming nagkatabi sa kama.)


NAKUKUMUTAN NA NG DILIM ANG GABI

Nakukumutan na ng dilim ang gabi
At ang mga titig ng maiinit na mata
Ay hindi na kayang makapaglagos
Sa kapal ng tabing na tumatakip
Sa kaluluwa nating dalawa.

Nakukumutan na ng dilim ang gabi
At binulag na ng pagnanasang masidhi
Ang anumang pag-aalinlangan
Kaya hayaan mong hubarin ng aking haplos
Ang saplot na sa atin ay bumabalot.

Nakukumutan na ng dilim ang gabi
Subalit ang katawan ko’y nahuhubaran
At nakahain sa iyong tabi
Kaya, sige, pagapangin ang iyong mga labi
Ipadama sa akin ligayang panandali.

Nakukumutan na ng dilim ang gabi
At mistulang tahimik na nahihimbing
Subalit ikaw at ako’y gising at sumisingasing
Katawan at kaluluwa’y magkasanib sa init
Nagpapakalasing, nagpapakalango sa pag-ibig.

***

Third Stage: First Heartbreak
(Nakipaghiwalay siya sa akin noon dahil na-in-love siya sa iba.)


ALAALA

At lumuha ka
Sa pagsapit ng dapithapon.
Ang mga kaway ng liwanag
Ay haplos ng gunita
Sa iyong puso.
Hindi mo na maapuhap
Ang mga bulaklak
O kaya’y malanghap
Ang mga halimuyak,
Pinagtikom na ng dilim
Ang mga talulot
At ngayo’y dinidilig mo
Ng hamog.

Sa hangin,
Pumailanlang ang himig
Ng pamamaalam.
Sa lamig nakiawit
Ang kalungkutan.

At ikaw ay lumuha
Sa piling ng mga alaala.

Nag-iisa.

***

Pagkaraan ng mahabang panahon, nagkita kami sa Malate. Iba na ang itsura niya. Ang taba na niya. He was insisting to get my number. Hindi ko ibinigay. My friends were asking: sino siya? Hindi ko inamin na naging boyfriend ko siya. Ang tagal na noon, hindi ko na maalala.

Friday, August 29, 2008

Panakip-Butas

Inamin niya sa akin: May mahal siyang iba.

Pagkatapos niya akong i-text araw-araw, tawag-tawagan sa gabi at i-coffee-coffee sa Starbucks...

Pagkatapos niya akong paamuin at papaniwalain… kung kelan may feelings na ako sa kanya…

Sasabihin niya, in-love siya sa iba?

Ano ba yun?

Nang magkakilala kami sa Bed, inisip ko na pang-isang gabi lang siya.

But he pursued. He wanted a relationship, sabi niya. Ako rin, gusto ko. That was when I started taking him seriously.

And so I was made to believe na doon na kami papunta. Konting-konti na lang, magiging kami na.

Pero, isang gabi, nag-text siya sa akin. He was meeting a friend daw. Paalis na kasi, papuntang London. Despedida raw.

Medyo late na ah, sagot ko. I was concerned.

Huwag daw akong mag-alala dahil malapit lang daw sa bahay nila ang meeting place.

Ingat, sabi ko. Nag-luvyah pa ako.

But he did not reply.

My celfone was silent until I was ready to sleep.

Nag-gudnyt ako. No reply.

It was strange.

The following morning, I was expecting his usual gud morning. But there was none. Ako ang nag-gud morning. No reply. Nag-text pa ako ng: How was last nyt? Wala pa ring reply.

Bandang tanghali na ako nakatanggap ng text mula sa kanya: Can I call you?

At nag-usap kami sa phone during my lunchbreak. Hindi na ako nakakain sa ipinagtapat niya sa akin.

The guy he met last night was not a friend. He was somebody he is in love with. He slept over. They had sex.

Kaya pala hindi siya nagre-reply sa mga text ko.

The guy was actually leaving for London at may stuffed toy pa itong iniwan sa kanya bilang remembrance.

I said goodbye. Ayoko nang marinig ang iba niya pang sasabihin. Ibinaba ko ang telepono.

He texted me: I am sorry. I love you.

Ano kaya yun?

I took a deep breath. Hindi ko pala talaga siya dapat sineryoso. Pang-one night stand lang pala talaga siya.

***

It was the usual Saturday night in Bed. Matao. Masaya. Maharot.

Pagpasok ko, siya kaagad ang nakita ko. Sinubukan kong umiwas pero pinigilan niya ako.

“Pwede ba tayong mag-usap?” ang sabi niya.

“About what?” ang sagot ko.

“About us. Gusto kong mag-explain.”

Tumingin lang ako sa kanya. Hindi ako nagsalita.

“Please?”

Lumabas kami. We went to Silya.

Over Strong Ice and Red Horse, nakinig ako sa sasabihin niya.

“Nakilala ko siya bago pa man tayo nagkakilala,” ang panimula niya. “Gym mates kami. We dated. He was so sweet and caring. Akala ko magiging kami na. Pero bigla siyang nanlamig pagkatapos naming mag-sex…”

I was just listening.

“I had to ask him why? Sabi niya, hindi siya ready for a relationship. Sex lang ang gusto niya, no commitment. I went along dahil nga nag-fall na ako sa kanya. Umasa ako na mamahalin niya rin ako. I was so hurt nang minsang tinext ko siya. Sabi ko: I think I am in love with you. Ang sagot niya: I know but I am sorry. Makasarili siya.”

Mixed ang feelings ko habang nagkukuwento siya. Panay lang ang yosi ko at inom ng Strong Ice.

“I decided to let go… to forget him kahit mahal ko na siya. I was smarting from my hurt nang magkakilala tayo. Kaya nakipagsayaw ako sayo… nakipag-flirt. Wala akong inaasahan mula sa iyo pagkatapos ng gabing iyon. But I can’t get you out of my mind. Kaya tinext kita. Niyayang lumabas. The more I knew you, the more I liked you. You made me happy. Ikaw na ang iniisip ko at hindi na siya. Ikaw na ang gusto ko.”

“Panakip-butas? The next best thing?” Hindi ko naiwasang manumbat.

“No, it’s not like that,” ang tutol niya. “ Nang sinabi ko sayo noon na I love you, I really meant it. Mahal na kita. Gusto ko maging tayo na.”

“Pero mahal mo rin siya…”

“Mahal ko kayong dalawa.”

Gusto kong matawa. Ano ito, lokohan?

Nagpatuloy siya: “Tahimik na sana ang mundo ko. Masaya na sana ako dahil sa’yo. Kaya lang, muli siyang nagparamdam. Tumawag siya nung gabi. Gusto niya lang daw magpaalam kasi aalis na siya. Nakipagkita ako to say goodbye… parang closure na rin para makapag-move on na ako. Pero naging marupok ako. Bumigay ako…”

Makailang beses siyang lumagok ng Red Horse bago muling nagsalita.

“Pinagsisisihan ko ang nangyari. Nagi-guilty ako sa’yo kaya nagtapat ako. Inamin ko sa’yo ang totoo. Alam ko nasaktan kita pero sana maintindihan mo ako. Sana matanggap mo ako pati na ang mga kahinaan ko.”

Nanatili akong nakatingin sa kanya.

“I am sorry. Please forgive me. I love you and I don’t want to lose you.”

I had nothing to say.

***

“Umalis na siya kahapon. Wala na siya. Tapos na kami. Maaari ba tayong magpatuloy?” ang tanong niya.

Sinaid ko ang laman ng bote ng Strong Ice ko. Tumayo ako.

“Bumalik na tayo sa loob,” ang sabi ko.

Mabilis ang aking mga hakbang. Kasunod ko siya. Tahimik akong nag-iisip habang naglalakad sa Nakpil pabalik sa Orosa courtyard.

Pagpasok namin sa Bed, “Let Me Think About It” was playing. How appropriate.

I saw my friends on the ledge. I joined them. Nagsayaw ako na parang may gusto akong kalimutan... iwaksi sa aking puso at isipan.

Naiwan siya sa dancefloor. Nakatayo. Nakatingin lang.

Thursday, August 28, 2008

Between Friends

Ano ang gagawin mo kapag nalaman mo na may relasyon pala ang friend mo at ang guy na dini-date mo?

Hindi inaasahan, ito ang natuklasan ko nang pumunta ako sa bahay ng friend ko. Nakita ko sa bedside table niya ang kwintas na kilala ko kung sino ang nagmamay-ari.

Umamin ang friend ko. “Yes, sa kanya ang kwintas na ‘yan. We have been sleeping together. Hindi ko masabi sa’yo kasi ayokong masaktan ka.”

Hindi ako nakapagsalita. I was stunned. I met the guy through my friend and we started dating. Iyun pala, habang nakikipag-date siya sa akin, he was fucking my friend.

“I am sorry,” ang sabi ng friend ko.

Kasunod ng pagkagulat, nakaramdam ako ng hurt.

“Noong ipinakilala ko siya sa’yo, gusto ko na siya. Kaya lang sabi mo sa akin, gusto mo siya, kaya nagpaubaya ako. Nakahanda naman akong magbigay para maging happy ka. Kaya lang, it turned out, gusto niya rin ako.”

Lalong nag-umigting ang hurt na naramdaman ko.

“I was meaning to tell you. Naghahanap lang ako ng tamang pagkakataon. Hindi ko binalak na lokohin ka. I just don’t know how to do it. Natatakot ako na magalit ka. Ayoko ring masaktan ka. I am sorry.”

Nanatili akong nakatingin sa friend ko. Ang tagal na naming magkaibigan. Ang dami na naming pinagdaanan both happy and sad. Hahayaan ko bang sirain ng pangyayaring ito ang pagkakaibigan namin?

“Kayo na ba?” ang tanong ko.

“Yes.”

Bumuntonghininga ako.

It was hard but I decided to forgive.

***

I started planning a dinner for three.

Ako. My friend. And the guy.

Ako mismo ang magluluto.

Isang bagay na kailangan kong gawin upang ma-ease out ang tension sa sitwasyon. Ito rin ang pagkakataon para maipakita ko sa kanila na hindi ako apektado… na tanggap ko ang pangyayaring ito. Na kahit nagkaroon ng gusot sa relasyon naming tatlo, maaari pa ring maging maayos at normal ang lahat.

Tinawagan ko ang friend ko. “Hi. I am inviting you and him tonight for dinner.”

“Are you cooking?”

“Of course.”

“Won’t miss it for the world. We will be there.”

It was actually therapeutic for me nang magsimula na akong magluto. Nakapag-isip-isip ako… nakapag-sort out… nakapag-rationalize. I was actually feeling good by the time I finished.

I was even humming a tune habang nagse-set-up ng table.

The knock on my door came around 7:00 pm.

Nang buksan ko ang pinto, ang friend ko lang ang naroroon, nakatayo.

“Nasaan siya?” ang tanong ko.

“Fuck him!”

Nagulat ako sa sagot ng friend ko.

“Asan ang mga baso. May dala akong wine,” ang sabi niya.

***

“Ano ang nangyari?” Nasa dinner table kami at umiinom ng wine.

“I caught him in bed with his bestfriend.”

“What???” Nandilat ang mga mata ko.

“Pumunta ako nang maaga to pick him up. Gusto ko siyang sorpresahin. Bukas ang pinto kaya tuluy-tuloy ako. Ako ang nasorpresa. It turned out his bestfriend is also his fuck buddy. ”

“So what did you do?”

“Pinagbabato ko sila ng pigurin.”

“Really? Ginawa mo yun?”

“Kidding. I just walked away.”

We started having dinner.

“Ang sarap mo talagang magluto, friend,” ang sabi niya in-between bites.

“Kumain ka nang marami,” ang sabi ko. “Ikain na lang natin ang sama ng loob sa lalaki.”

“Korek.”

Sandaling katahimikan.

“Friend,” ang sabi niya pagkaraan. “I am sorry.”

“For what?”

“For hurting you… dahil sa nangyari.”

“Wala na sa akin yun. He’s not worth it.”

“That cheating bastard! Pareho niya tayong pinaikot… niloko.”

“Kalimutan na natin yun. Ang importante hindi nasira ang friendship natin dahil dun.”

“Buti na lang.”

“At saka madaling maghanap ng lalaki noh! Mahirap maghanap ng tunay na kaibigan.”

“Friend, naiiyak ako…”

“Huwag kang madrama, lokah!”

After dinner, we settled in front of the TV. I popped in our favorite movie on the VCR.

Over wine and potato chips, we watched it like it was the first time.

Bette Midler. Barbara Hershey.

Beaches.

Thursday, August 21, 2008

Exes

Three exes in one roof. Ito ang drama sa buhay ko noong Sabado nang gabi sa Bed.

Pagpasok ko, nagkabanggaan kami ni Ex No. 1, si EM. We said hello and we hugged. Sa paglalapit ng aming mga mukha, hindi namin na-resist na mag-kiss sa lips. Sabay usap.

EM: Asan boyfriend mo?

Me: What boyfriend?

Kiss

EM: Sarap mo pa ring humalik…

Me: Talaga?

Kiss

EM: Ang hot mo pa rin…

Me: Ikaw rin…

Kiss

Me: Kumusta na kayo ni KN?

EM: Kami na uli.

Me: I Know.

Kiss

EM: How did you know?

Me: Saw your new pics in Friendster.

Kiss

EM: We shouldn’t be doing this… We shouldn’t be kissing like this…

Me: Why?

EM: Kasi nga… nagkabalikan na kami ni KN.

Kiss (long ang hard)

Me: Ok. See you around. Bye.

Ang fondest memory ko noong kami pa ni EM, dalawang beses niya akong “kinidnap”.

The first time, isang hapon iyon nang Linggo. Nag-text siya sa akin: Papa-carwash ako nr ur haus. Punta ka d2.

Since walking distance lang, pumunta ako na nakapambahay. Shorts, sleeveless, tsinelas.

Pagdating ko, tapos na carwash.

“Sakay na,” sabi niya.

“Saan tayo punta?” tanong ko.

“Kain tayo.”

Off we went. Akala ko, sa malapit lang na McDo or Jollibee kami. Pero lumagpas kami at tuluy-tuloy siya sa pagmamaneho.

“Saan tayo kakain?”

“I’m treating you to dinner.”

“Dinner? Hindi ako nakabihis. At saka ang aga pa kaya.”

“Tamang-tama lang yan. Pagdating natin doon, dinner time na.”

“Saan ba tayo pupunta?”

“Tagaytay."

“Ano?”

“Kain tayo ng bulalo. Don’t worry, walang dress code doon.”

Kamusta naman, nakarating ako sa Tagaytay na naka-shorts, naka-sleeveless at naka-tsinelas. Dapithapon na yun kaya maginaw na!

But we had a very nice dinner. He was very sweet. And on our way back, he kept holding my hand. At panay din ang nakaw niya ng halik habang nagda-drive.

The second time was on a Saturday night. I was attending a reunion of high school classmates in Makati nang mag-text siya sa akin: Punta ako jan. Sundo kita.

Text ko: Dinner pa. Later.

Text niya: On d way.

After a short while, text niya uli: Lobby na.

Text ko: Still having dinner.

Text niya: Baba ka muna. Meet me now.

I had to excuse myself in the middle of dinner.

Pagbaba ko, nakita ko kaagad siya. He was smiling.

“Halika sa kotse,” ang sabi niya.

“Why?” tanong ko.

“I have a surprise for you.”

So we went to his car. Pinasakay niya ako.

Maya-maya nagmamaniobra na siya palabas ng parking.

“Hey, where are we going?” ang tanong ko.

“Itatakas kita!” He was laughing like a little boy.

“Hello? I am attending a reunion…!”

“I miss you and I want us to be together. I can’t wait anymore.”

“Ano ka ba? Magtataka ang mga kaklase ko kung bakit bigla akong nawala.”

“Isip na lang tayo ng excuse…”

Nasa Ayala na kami. Medyo naiinis ako pero wala na akong magawa.

“Saan tayo pupunta?” tanong ko.

“Malate. I know you’d rather be dancing in Bed than talking to your boring, straight high school classmates.”

Napangiti ako. He was right.

He was kissing me on the lips everytime the traffic lights would turn red.

***

Sa dancefloor, I immediately got connected with a tall, lean, chinito guy na pang-koreanovela ang beauty.

“I’m MJ,” ang pakilala niya.

“Ako si Aris,” ang pakilala ko rin. “Are you alone?”

“With friends,” sagot niya.

We started kissing. He had this tongue piercing that turned me on.

Lost na kami sa paghahalikan nang biglang may umakbay sa kanya.

Nagbitiw kami. Kilala ni MJ ang umakbay sa kanya.

“Aris, this is my friend JD,” ang pakilala niya sa akin.

Hindi ako nakapagsalita.

Gulat din si JD nang makita ako.

Si JD ang aking Ex No. 2. At kaibigan niya ang kahalikan ko!

“Hi,” we both managed to say.

We pretended for MJ’s sake na noon lang kami nagkakilala.

Hindi ko na magawang halikan si MJ habang nakatingin si JD. Awkward masyado. And so nagpaalam ako na magsasayaw muna sa ledge.

Nagkakilala kami ni JD sa chatroom. Naging chatmates and textmates kami for months.

Nag-EB kami sa Malate. We both liked each other.

Naging kami.

At nagsimula kaming mag-bastusan. Sa YM, sa text, sa phone.

Usap kami ng mga nakaka-L… ng mga fantasy namin sa sex… ng mga bagay na gagawin namin sa isa’t isa kapag nag-sex kami.

Ilang beses din kaming nag-SOP.

Then finally, we did it. We had sex.

It was bad. Lousy.

Maybe we have talked so much about it… masyado naming na-describe… masyado naming napagpantasyahan… Kaya when we did the real thing, sobrang taas ng expectations namin (o na-diffuse na ang sexual energy) kaya we were disappointed.

Sinubukan namin uli sa ibang pagkakataon. Pero wala talaga. Incompatible talaga kami sa sex. Mas masarap pang pag-usapan kesa gawin.

We slowly drifted. We stopped communicating.

We just ended na walang closure.

***

I was on the ledge nang makita ko si H. He was dancing with a shirtless guy. Sino ang kasayaw niya? Asan si J?

Si H ang aking Ex No. 3. We have remained friends. Si J ang kanyang boyfriend na ipinakilala niya sa akin noon over Strong Ice sa Silya.

Bigay na bigay si H sa pakikipagsayaw. May pahawak-hawak pa siya sa hubad na katawan ng kasayaw. Maya-maya, naghahalikan na sila. Break na ba sila ni J?

Later, nagkasabay kami ni H sa restroom. We hugged and he kissed me on the cheek.

Kaagad ko siyang sinita. “Who are you dancing with?”

“A friend.”

“I saw you kissing…”

Tumawa lang siya.

“Asan si J?” ang tanong ko.

“I don’t know.”

Napataas ang kilay ko. “Wala na ba kayo?’

“Kami pa rin…”

“Bakit hindi mo siya kasama? Bakit nakikipaghalikan ka sa iba?”

“Nag-away kami.”

“Oh, I see.”

“Nagpapalipas lang ako ng sama ng loob.” He gave me another kiss on the cheek. “Gotta go. Balik na ako sa friend ko.”

Napailing na lamang ako.

I went to the bar. Nag-yosi ako at uminom ng tatlong bote ng beer. One for each of my ex?

Nalasing ako.

Muli akong umakyat sa ledge. Sinuyod ko ng tingin ang Bed. Hindi ko na makita isa man sa aking mga ex.

Tumugtog ang "Sorry". Sumayaw ako.

Mag-isa.

Friday, August 15, 2008

Kumusta Ka

Malayo pa, napansin ko na ang lalaking makakasalubong ko sa mall.

“Gwapo,” ang sabi ko sa sarili.

Matangkad. Maputi. Mahaba ang buhok. May karga siyang bata at may kasamang babae.

Higit siyang gumugwapo habang papalapit nang papalapit. Parang pamilyar siya sa akin.

Nagkasalubong kami. Nagtama ang aming mga mata. Sabay kaming napahinto. Pareho kaming nagulat. Kilala ko siya.

Magkakilala kami.

Magkakilalang-magkakilala.

***

Sex. Yun lang ang dahilan kaya sumama ako kay D sa bahay niya. Nagkakilala kami sa sinehan, last full show.

Akala ko, mag-isa lang siya sa bahay pero kasama niya pala ang tiyahin niya.

“Auntie, si Aris, kaibigan ko. Nasaraduhan siya sa kanila kaya dito muna siya makikitulog,” ang pakilala niya sa akin.

“Good evening po,” ang bati ko kay auntie.

Suplada si auntie. Hindi sumagot. Tumingin lang sa akin.

Pumasok kami sa kwarto ni D. Naghubad kaagad kami.

We started doing it.

Ingat na ingat kaming hindi gumawa ng anumang ingay. Baka makahalata si auntie.

Paulit-ulit kaming nagtalik ni D buong magdamag.

It was good sex.

***

“Magkikita ba tayo uli?” ang tanong niya sa akin pagkatapos.

“Sure,” ang sagot ko.

“Libre ako sa hapon. Panggabi kasi ako sa trabaho. Wala akong pasok kapag Sabado.”

“Saan ka nagtatrabaho?”

“Sa EPZA. Pagawaan ng electronics.”

“Madalas libre din ako sa hapon.”

“Punta ka na lang dito. Wag kang mag-alala, gabi lang nandito si auntie kasi may trabaho siya. Tayong dalawa lang dito sa bahay.”

Napangiti ako.

Napangiti rin siya, may halong kapilyuhan. “Pwede nating ulit-ulitin yung ginawa natin. Pwede pa tayong mag-ingay.”

Natawa ako.

“Ssshh! Baka magising si auntie.”

Maya-maya hinalikan niya ako. Muli kaming nagyakap. Nagdikit ang mga hubad na katawan.

Humirit kami ng isa pang round bago nag-umaga.

***

Isang hapon, bumalik ako sa bahay niya.

Pagkabukas na pagkabukas niya ng pinto, hinila niya kaagad ako sa loob. Bagong ligo siya at naka-tuwalya lang.

Naghalikan kami ng buong pananabik. Nagyakap ng buong higpit. Ang bango-bango niya.

Tinanggal niya ang kanyang tuwalya. Hinubad ko ang aking mga damit.

Nagsalo kami sa isang mahaba at luxurious na pagniniig.

Doon sa salas, paulit-ulit naming pinakawalan ang init ng aming mga katawan.

It was good, even better than the first.

“Nagugutom ka?” ang tanong niya sa akin pagkatapos. Magkayakap kaming nakahiga sa sofa.

“Medyo,” ang sagot ko. “Tara, kain tayo sa labas.”

“Dito na lang. Ipagluluto kita.”

“Sigurado ka?”

Tumayo siya. Hubo’t hubad siyang naglakad papunta sa kusina. His body was long and lean.

“Ok na sa’yo ang scrambled egg?” tanong niya sa akin.

“Gusto ko yan.”

Naghanda siyang magluto. Napaka-sexy niyang tingnan lalong-lalo na nang magsimula siyang magbate ng itlog. It was a major turn-on.

“Mahilig ka magluto?” ang tanong ko.

“Oo. Pero gusto ko may ipinagluluto.”

Tumayo ako at lumapit sa kanya. Niyakap ko siya mula sa likod. “Gusto mo ipagluto rin kita?”

“Gusto ko,” ang sagot niya. Nilingon niya ako upang abutin ng halik ang aking mga labi.

Humigpit ang yakap ko sa kanya. Hinalik-halikan ko ang kanyang batok at mahabang buhok. I suddenly felt sweet towards D.

Ako naman ang nagluto ng hotdog.

***

“Simpleng buhay lang ang gusto ko,” ang sabi niya sa akin habang nagsasalo kami sa itlog at hotdog.

“Gaano kasimple?” ang tanong ko.

“Basta tahimik, malayo sa gulo, hindi kinakapos. Masaya na ako sa ganoon.”

“Ako rin. Simple lang din ang pangarap ko sa buhay,” ang sagot ko.

“Ano’ng pangarap mo sa buhay?” ang tanong niya sa akin.

“Gusto kong tumira sa isang farm. Malapit sa beach.”

“Parang ganyan din ang gusto ko. Pero sana, kasama ko ang mahal ko.”

“Ako rin naman. Ayokong mag-isa lang ako.”

“Pwede kayang tayo na lang ang magkasama?”

“Pwede. Kapag mahal na natin ang isa’t isa.”

“Malapit na kaya yun?”

“Siguro…”

***

Naging madalas ang pagpunta-punta ko sa bahay ni D tuwing hapon. Siyempre hindi maiiwasan ang sex. Pero habang tumatagal, parang hindi na lamang iyon ang mahalaga sa aming dalawa.

Masaya kami na nagkikita, nagkakasama, nag-uusap. Masaya kaming nagluluto ng pagkain naming dalawa.

Sa bawat pagkakataon na ginagawa namin ito, tumitibay ang bonding naming dalawa. Lumalalim ang aming relasyon.

Parang kami na kahit hindi namin napag-uusapan, kahit walang pormalidad.

Minsan, pagdating ko sa bahay niya, nagulat ako. May mga rose petals sa kama niya.

“Ano ito?”

“Wala lang. Para maiba naman.”

Nagtataka man, napangiti ako.

Hinubaran niya ako. Inihiga niya ako sa kama. Sinimulan niya akong halikan sa buong katawan. Napayakap ako sa kanya nang mahigpit.

Napakamaalab ng aming naging pagniniig. Damang-dama ko ang kagustuhan niyang paligayahin ako at gawing napaka-espesyal ng mga sandaling iyon para sa akin. Ilang ulit ko ring naabot ang langit.

Nang humupa ang init, may ibinulong siya sa akin.

“I love you,” ang sabi niya habang nakayakap siya.

Napatitig ako sa kanyang mga mata.

“Aris, I love you,” ang ulit niya.

Isang halik ang isinagot ko sa kanya. Pinili kong ipahayag nang tahimik sa pamamagitan ng aking mga labi ang nag-uumapaw ko ring damdamin para sa kanya.

Muli kaming nagpagulong-gulong sa kama. Langhap na langhap ko ang bango ng rosas.

We made love again. This time, it was love, not just sex.

Everything was perfect.

Pero nangyari ang hindi inaasahan…

***

Magkayakap kaming nakahiga sa kama, pareho kaming hubad, nang biglang bumukas ang pinto ng kwarto ni D.

Nagulat kami nang makita kung sino ang nakatayo sa pintuan.

Si auntie! Oh my God! Hindi namin namalayan ang kanyang pagdating.

Kitang-kita ko ang shock sa mukha ni auntie sa kanyang nabungaran.

Tutop niya ang kanyang dibdib, hindi siya makapagsalita. Nagmamadali siyang tumalikod at umalis.

Bumangon si D. Nagbihis at sinundan ang kanyang auntie.

Naiwan ako sa kwarto. Hindi ko alam ang aking gagawin. Narinig ko ang kanilang pag-uusap sa labas. Galit si auntie. Nagpapaliwanag si D.

Matagal bago muling pumasok si D sa kwarto.

Napatingin ako sa kanya, nagtatanong ang aking mga mata.

“Magbihis ka na. Kailangan mo nang umalis.”

“Paano tayo?”

“Hindi ko alam. Galit na galit si auntie.”

“Magkikita pa ba tayo?”

“Hindi ko alam. Saka na tayo mag-usap.”

Nagbihis ako. Nasa salas si auntie, paglabas ko.

“Layuan mo ang pamangkin ko!” ang bungad niya kaagad sa akin, pasigaw.

“Auntie…” ang saway ni D.

Bakas ang galit sa mukha ni auntie. “Layuan mo siya,” ang ulit niya. “Hindi siya bakla!”

Wala akong maisagot sa kanya.

“Huwag na huwag ka nang babalik dito! Huwag na huwag nang makikipagkita kay D! Kung hindi, ipapa-barangay kita! Ma-eskandalo na tayong lahat dito!” ang banta pa niya.

Tahimik kong tinungo ang pinto. Bago ako tuluyang lumabas, nilingon ko si D.

Nakatingin siya sa akin, may lungkot sa mga mata.

“Aris…” ang tawag niya sa akin.

“Huwag na huwag mo siyang susundan, D! Binabalaan kita,” ang bulyaw sa kanya ng auntie niya.

Hinintay kong lapitan ako ni D pero nanatili siyang nakatayo.

Tumalikod ako at umalis.

“Goodbye, D,” ang bulong ko.

***

Nami-miss ko si D. Hinahanap-hanap ko siya. Gusto ko siyang makita.

Kahit alam kong hindi dapat, nagpasya akong pumunta sa bahay niya. Isang hapon iyon na medyo maulan.

Katok ako nang katok, walang nagbubukas ng pinto.

Hindi ako umalis. Naupo ako sa labas. Ipinasya kong maghintay.

Lumakas ang buhos ng ulan. Inabot ako ng gabi sa paghihintay.

Dumating ang auntie ni D.

“Ano’ng ginagawa mo rito?” May galit sa kanyang mga mata nang makita ako.

“Gusto kong makita si D.”

“Tigilan mo na siya.”

“Hindi ko kayang gawin. Mahal ko siya!” Kumawala ang damdaming matagal ko nang tinitimpi.

Ngumiti nang sarkastiko ang auntie ni D.

“Nasaan siya?” ang tanong ko.

“Wala na si D. Hindi mo na siya makikita.”

“Ano’ng ibig mong sabihin?”

“Umuwi na siya sa probinsya. Hinding-hindi na siya babalik dito.”

“Ha?”

“Iniwan ka na niya. Tapos na ang relasyon ninyo.”

“Saang probinsya nagpunta si D?”

“Bakit ko sasabihin sa’yo? Para masundan mo? Para guluhin mo? Kaya ko siya pinauwi para matigil ang kahibangan ninyo.”

“Ikaw ang nagpauwi sa kanya?”

“Oo. Dahil kung hindi niya gagawin yun, malalaman ng tatay niya ang tungkol sa inyo. Isusumbong ko siya. Magugulo ang buhay niya.”

Nanlumo ako sa aking narinig.

“Umalis ka na.”

Para akong hindi makakilos.

“Umalis ka na sabi. Kalimutan mo na si D!”

Ang bigat ihakbang ng aking mga paa. Ang bigat dalhin ng aking kalooban. Naglakad ako na parang wala sa sarili. Hindi ko alintana ang malakas na ulan.

***

“Aris…” ang mahina niyang banggit sa pangalan ko.

“D!” ang tawag ko sa pangalan niya.

Pareho kaming hindi makapaniwala na nasa harap namin ang isa’t isa. After all these years.

“Kumusta ka?” ang tanong ko.

“Mabuti. Ikaw?”

“Ok lang.” Dumako ang mga mata ko sa batang karga-karga niya.

“Anak ko,” ang sabi niya.

“Nag-asawa ka na?”

“Siyanga pala,” ang baling niya sa babaeng nasa tabi niya. “Si V. Misis ko.”

“Hi,” Ang bati ko.

“Si Aris, kaibigan ko,” ang pakilala niya sa akin.

Ngumiti si V. Simple lang siya pero maganda.

“Ipinapasyal ko lang sila. Pabalik na kasi kami bukas sa probinsya. Dinalaw lang namin ang auntie ko.”

“Ganoon ba? Doon ka na tumira sa probinsya?”

“Oo. Sa isang farm. Malapit sa beach. Kasama ang mahal ko.” Ngumiti siya.

Ngumiti rin ako pero parang may lungkot na bumalot sa aking dibdib. Tumingin ako sa kanyang mga mata, pilit kong hinahanap ang bakas ng aming nakaraan.

Umiwas ang kanyang tingin. Inakbayan niya si V. “Sige, Aris. Tutuloy na kami.”

“Sige.” Marami akong gustong sabihin. Marami akong gustong itanong. Pero iyon lang ang nasabi ko.

Nagpatuloy sila sa paglalakad. Nakaakbay siya sa asawa at karga-karga ang anak nila.

Nanatili akong nakatayo sa aking kinaroroonan. Nakatanaw sa kanila habang papalayo.

Kahit minsan, hindi lumingon si D.



Tuesday, August 5, 2008

Rough

Pagdating ko sa Silya na meeting place namin ng mga friends ko every Saturday evening sa Malate, nakita ko kaagad siya. Si RZ, kasama ang mga kaibigan niya at nasa katabing mesa lang sila ng mesang occupied ng mga friends ko. Nakita niya rin ako. Nagkatinginan kami pero hindi nagbatian. Gusto ko sana siyang batiin pero minsan niya na akong inisnab at ayaw ko nang maulit iyon. Nag-join ako sa mga friends ko at habang umiinom ng Strong Ice at nakikipag-kuwentuhan, hindi ko maiwasang mapatingin sa kanya. Napapatingin din siya sa akin at makailang ulit na nagtama ang aming mga mata pero parehong blangko ang aming mga mukha.

Nagkakilala kami ni RZ sa Bed. It was a slow evening dahil lasing ako. Nahihilo ako kaya hindi ako makapagsayaw. Nakatayo lang ako at nakasandal. Nagulat ako nang lapitan niya ako. He pressed me against the wall and he kissed me hard. Hindi ako nakapalag dahil mas malaki siya sa akin at lasing nga ako, wala akong lakas. He was also drunk. And handsome.

There was something about his kiss na parang lalong nagpahina sa akin. Sabik. Madiin. Rough. Almost painful as it was pleasurable. Lumaban ako, gumanti ako ng halik na marahas din. Gusto kong bumawi sa pagkaka-overpower niya physically sa akin.

We kissed long and hard. When our lips parted, we were both gasping for air. Kaagad na bumaba ang kanyang mga labi sa leeg ko at naramdaman ko ang pagmamarka ng kanyang halik. Nagpaubaya ako hanggang sa bumaba ang kanyang bibig sa aking balikat. Bigla niya akong kinagat. Napapitlag ako. Masakit na masarap ang kagat na iyon. Naitulak ko siya subalit bigla niya rin akong hinatak at nagpatuloy ang aming marahas na paghahalikan.

Muli akong nakipagtunggalian sa kanya ng labi sa labi. Matagal. Maalab.

Nang magbitiw ang aming mga labi, basta na lang siya umalis na parang walang nangyari. Naiwan ako na parang higit na nalasing at nahilo subalit may kahalong masarap na feeling. May kiliti akong nararamdaman sa makirot na kagat niya sa aking balikat. I was too drunk to think and analyze. I dismissed him as just one of those crazy guys around you get entangled with sometimes.

Pero bumalik siya. I braced myself for the continuation. Pero hindi na siya muling nagtangkang halikan ako. Sa halip, nagsalita siya.

“What’s your number?” Inabot niya sa akin ang celfone niya.

I typed my number.

“What’s your name?” ang tanong niya habang sini-save ang number ko.

“Aris.”

Maya-maya tumunog ang celfone ko.

“My number. Save it,” ang sabi niya sa akin.

“What’s your name?”

“RZ.”

And he left without saying goodbye.

***

“Gawa mo?” ang text niya sa akin kinabukasan nang gabi.

Di ko inaasahang magte-text siya.

“Wala. Kaw?” sagot ko.

“Col me. 410XXXX.”

Tinawagan ko siya. Inaasahan ko na astig ang boses na sasagot sa kabilang linya but I heard a soft, gentle voice. I had to ask: “Is this RZ?”

“Yup. Kumusta?”

“Buti. Kagigising ko lang.”

“Ako din. It was your kiss that I thought of pagkagising ko.”

“Really?” Ows, charing.

“Sorry, kinagat kita kagabi…”

Bigla kong naalala ang kagat niya sa aking balikat. Masakit pa rin. Nangingitim. At may nakamarkang mga ngipin.

“Nanggigil lang kasi ako…” ang sabi pa niya.

Naalala ko rin ang ginawa niya sa aking leeg. Humarap ako sa salamin at naroroon nga ang kissmark na naramdaman kong inilagay niya. Shet!

“Nag-iwan ka rin ng marka sa leeg ko…” ang sabi ko.

“Did I? Geez, I’m sorry. I was too drunk”

Nagpatuloy ang aming pag-uusap. Parang hindi ko ma-reconcile ang imahe ng na-meet ko noong gabi na astig, siga, salbahe sa kausap ko ngayon na malumanay, malambing at mabait.

Dami naming napag-usapan. At nagulat ako nang malaman kong 21 lang siya at kaga-graduate niya lang ng college.

“Are you kidding me?”

“No. I look old for my age.”

Hunky kasi siya, gym toned ang pangangatawan and he must be at least 5’11.

Napag-usapan namin ang music. Mahilig pala siya sa videoke. I jokingly asked him to sing for me. At kinantahan niya nga ako. Sana Kahit Minsan ni Ariel Rivera.

Aba, ganda ng boses niya. Cool. Humahagod.

I was smiling habang nakikinig sa kanya.

***

“I live alone,” patuloy niya sa pagsi-share sa akin over the phone. “I have my own place. Dito na ako nakatira mula nang mag-college ako. My mom got me this apartment kasi nga taga-probinsya kami. And now that I have graduated, my mom told me, ako na bahala sa rent if I want to keep my place. Kaya nga kailangan ko nang magtrabaho.”

“Ano ba course mo?” ang tanong ko.

“HRM.”

“So, you’ve applied na sa mga hotels?”

“Nope. Call center. Kailangan ko na kasing magka-trabaho kaagad or else babalik ako sa probinsya. Ayoko dun. Saka marami pa akong plano kaya kailangan kong mag-stay dito sa Manila.”

“Like anong plano?”

“Plano kong magka-jowa muna haha!”

“Hmmm…At bakit naman nasa priority mo ang magka-jowa?”

“Para inspired ako sa mga gagawin ko!”

“Ah, ok.”

“Ikaw, may jowa ka ba?”

“Wala. Pero ok lang ako.”

“Gusto mo tayo na lang?”

“Huh?”

“Joke! Bakit wala kang jowa?”

“Kakahiwalay lang.”

“Bakit?”

“Nagsawa na siguro sa akin.”

“Ako, di kita pagsasawaan…”

“Talaga lang ha?”

“Seryoso. Bakit nga hindi na lang tayo?”

“Ano? Ang bilis ha!”

“Subukan natin…”

“Saka na. Bahala na…”

***

“Do you like sex?” ang tanong niya.

“Of course, I do,” ang sagot ko.

“Ako, hindi masyado.”

Ows?

“Ayoko ng ordinaryong sex,” ang sabi niya pa. “Nakakapagod.”

Natawa ako. “Nakakapagod?”

“I want sex to be different…”

“Like..?”

“Medyo…extreme. Medyo… may pain. You appreciate pleasure when there is pain.”

“Huh?” Natigilan ako.

“I don’t do it often pero kapag nakipag-sex ako… I make sure it is memorable. Buhos lahat. Kailangan gawin, maramdaman at ma-experience lahat. Yung feeling weak and bruised ka after pero ang sarap ng pakiramdam mo. Do you get what I mean?”

“I am not sure…” ang amin ko.

“Maybe you’ll understand what I mean kapag nag-sex tayo.”

“I surmise, you are kinda adventurous and experimental when it comes to sex…”

“U-huh. I don’t do it the conventional way. It is just… different.”

“Should I be scared?”

“No, you shouldn’t. You should be excited to experience something new, something you will never forget.”

Ewan ko, pero deep inside, may alinlangan ako. And yes, parang natatakot ako sa sinasabi niya.

***

“Saan ka?” Saturday night, I got a text from him.

“Malate”, I replied.

“Meet me now at Giligan’s.”

At nag-meet nga kami. Mas guwapo siya kesa sa huling alala ko sa kanya. At ang tangkad niya talaga. Meron siyang over-powering presence. He kissed me on the cheek nang magkita kami.

“Sino kasama mo?” he asked.

“My friends. Nasa Silya kami. Ikaw, sino kasama mo?”

“My friends. They are inside,” sabay turo sa loob ng Giligan’s. “Umiinom kami.”

“Punta kami Bed later,” ang sabi ko.

“Baka punta rin kami…”

“I’ll see you inside?”

“Yeah.”

***

Our favorite song “Fly Away” was playing nang pumasok ang barkada sa Bed.

When you’re feelin' down
When you feel
You need to get a way
You can just fly away

When you’re feelin' low
When you feel
You need to get a way
You can just fly away

Sayaw kaagad kami. Buhay na buhay kaagad ang feeling namin.

I feel the world
has gone insane
If you feel the sun
You can just fly away

Na sinundan kaagad ng “Touch My Body”.

Akyat kami sa ledge. Todo sayaw kami.

Dami cutie sa ledge. Dami naka-shirtless.

One shirtless guy started dancing with me. He was cute and flirty.

Touch my body
Put me on the floor
Wrestle me around
Play with me some more
Touch my body
Throw me on the bed
I just wanna make you feel
Like you never did


I danced with him. I was feeling flirty too but I did not want to lose control. At the back of my mind, I was thinking about RZ and that he was around somewhere. I did not want him to see me wild on the ledge. Wala lang, para kasing may potential kami and I did not want to spoil it. I was trying my best na mag-behave. I continued dancing with the shirtless guy but I was keeping my distance.

Touch my body
Let me wrap my thighs
All around your waist
Just a little taste
Touch my body
Know you like my curves
Come on and give me what I deserve
And touch my body.

Another shirtless guy joined us, he was as flirty as the first guy. I still tried my best na magpakatino, magpigil. Aba, pinagsasalikupan ako ng dalawa. One was even attempting a kiss pero pasimpleng umiiwas ako at patuloy lang sa pagsasayaw. Smile smile lang ako. Nasa isip ko si RZ.

Maya-maya, nag-vibrate ang celfone ko sa bulsa. I checked the message.

“I am watching you.” Si RZ.

Luminga-linga ako, trying to find him.

“I don’t like what I am seeing.” Follow-up message.

I texted back. “Saan ka?”

No reply.

Bumaba ako ng ledge. I decided to look for him.

Umikot ako sa ibaba, di ko siya makita. Umakyat ako.

Doon ko siya nakita sa itaas. “Hey,” ang bati ko.

Madilim ang kanyang mukha. Walang ngiti.

Hinawakan niya ako sa braso. Mahigpit. Tapos bigla niya itong pinilipit. Napaigtad ako sa sakit. “Aray! Hey!” ang sabi ko. He pinned me against the wall.

“RZ, nasasaktan ako!”

“You deserve it.” Ang sabi niya. I could not seem to recognize his voice. He was drunk. “You were dancing like a slut down there!”

He was big and overpowering. Sinikap kong kumawala pero mas malakas siya.

“You embarrassed me in front of my friends. You are a slut! Slut!”

“What are you saying? Let me go!” Nagpupumiglas ako.

Bigla niya akong hinalikan. His lips crushed mine. It was a rough, angry kiss! Hindi ako makahinga! Patuloy ako sa pagpupumiglas.

Then he bit my lip. Napaigtad ako sa sakit. Itinulak ko siya nang ubos-lakas. Nakawala ako sa grip niya. I tasted blood. Shit!

I looked at him. Nakatayo lang siya sa harap ko at nakatingin sa akin.

“Fuck you!” I said.

At nagmamadali akong bumaba.

I went up the ledge. Slut pala ha? I will show you what a real slut is!

I took my shirt off and danced wildly with the two shirtless guys. Hindi na ako umiwas sa kanilang mga halik. Instead, pinagsabay ko pa silang halikan.

****

He texted me the following day. “Don’t ever text or call me again.”

Fine. I did not reply.

Two Saturdays after that, I saw him habang papasok ako ng Bed. Binati ko siya, thinking na maaari pa rin kaming maging magkaibigan.

He ignored me.

***

That evening I saw him again in Bed. He was kissing somebody while pinning him against the wall. I could see him kissing hard and rough. He was drunk. And handsome.

I just danced to Leona Lewis.

But I don't care what they say
I'm in love with you
They try to pull me away
But they don't know the truth
My heart's crippled by the vein
That I keep on closing
You cut me open and I

Keep bleeding
Keep, keep bleeding love
I keep bleeding
I keep, keep bleeding love
Keep bleeding
Keep, keep bleeding love
You cut me open.