Ang Pagtitipon

Alas-siyete ang party.

Pasado alas-diyes na, pasakay pa lang ako ng MRT.

Hindi dahil gusto kong magpa-late. Nanggaling pa kasi ako sa isang meeting. Tapos, umuwi pa at nagbihis.

I haven’t been partying lately but this is one party I wouldn’t want to miss. Despedida ni Tristan at isang malaking karangalan na ako ay maimbita.

Mga bloggers ang bisita. Mga taong kilala ko na sa pangalan, binabasa, hinahangaan at ang iba, naging kaibigan ko na online. Excited ako na sa wakas ay makikilala at makakausap ko na sila nang personal.

Dumating ako sa Linden Suites bago mag-alas-onse nang gabi. Bumubungad pa lang ako sa pintuan ng kuwarto, sinalubong na ako ng mga ngiti.

Ipinakilala ako ni Mcvie. Nag-uumapaw ako sa tuwa habang kinakamayan, naghe-hello at niyayakap sila isa-isa.

Nakilala ko si CC (na kasabay ko sa elevator). Si Ewik na nabaitan talaga ako, sobra. Si baby gurl Herbs na napaka-sweet, gusto ko siyang ampunin (charing!). Si Mksurf8 na, would you believe, lumipad pa from Singapore (friend, sa wakas nagkita rin tayo. I have been looking forward to this!). Si Doc Mike na fresh from Cebu at ang sarap kakuwentuhan. Si Turismoboi na nakakatuwa ang mga quips. Si Mr. Scheez na pakiramdam ko, close kaagad kami. At si Closet Geek na napaka-cool na yosimate.

At siyempre, ang mga iniidolo at pinagpipitaganang sina MGG at Gibbs Cadiz na life of the party at sobrang kuwela ang mga hirit!

Na-meet ko rin sina PinoyPoz at Ruby Purple na kung hindi lang ako baba nang baba para magyosi, nakakuwentuhan ko rin sana nang matagal.

And, yes, si Nyl, na pinakahuling dumating (galing pa sa gimik!) at tahimik pero naka-bonding ko rin kinalaunan at kasabay ko pang umuwi.

Naroroon din sina Jamie Da Vinci, Twink Boi at Jaybeecc na sana sa susunod ay magkaroon na ako ng pagkakataong maka-chikahan.

And, of course, ang mga dati ko nang nakilala at naging kaibigan na na sina YJ, Joaqui at John Stanley. Dumating din daw si Mugen (I miss you, friend!) pero maaga siyang umalis at hindi na kami nagpang-abot.

It was THE party. Ngayon lang nagkatipon-tipon nang ganito ang mga G-bloggers. Ang daming food (pizza, pasta, fruits, cheese at kung anik-anik pa) at drinks (wine, beer) na hindi naubos. Ang saya ng mga napag-usapan (at napag-tsismisan hehe!). Nagkaroon din ng question and answer portion at konting kantiyawan tungkol sa mga... uhum (secret!).

Alas-singko na nang umaga nang mag-uwian kami. Halos walang humpay at paulit-ulit ang paalamanan na parang ayaw maghiwa-hiwalay.

Sa iyo, Tristan, na siyang naging dahilan ng impossible gathering of the stars na ito (stars daw o! Choz!), isang maligayang paglalakbay at pagtahak sa bagong landas ng iyong buhay. Naniniwala ako na ito ang destiny mo at sana makamtan mo kaagad ang mga bagay na higit na magpapaligaya sa’yo. Marami kang blessings dahil isa kang mabait at mabuting tao. Nagpapasalamat ako na nakilala kita at sana kahit nasa malayo ka, patuloy pa ring yumabong ang pagkakaibigan natin. You will always be in our hearts kaya huwag mo kaming kakalimutan. Andito lang kami at sa pagbabalik mo… PARTY uli tayo! Ingat.

Related Links:
Party Postscripts
Clipped At The Hip