Sunday, September 4, 2011

Live Show 2

Naglulumiyad si Warren, damang-dama ang ginagawa. Subalit sa halip na nakapikit, nakatitig ito sa camera, namumungay ang mga mata at nang-aakit.

Habang ang kanang kamay ay nagtataas-baba, humihimas at sumasalat naman sa dibdib ang kaliwa.

Maya-maya, nag-aalumpihit na ito, napapakagat-labi habang pabilis nang pabilis sa pag-uurong-sulong.

At bago pa man ito sumapit, isinara na ni Angelo ang kurtina. Na-guilty siyang bigla dahil naalala niya ang respetuhang napag-usapan nila.

Subalit hindi pa rin nalingid sa kanya ang impit na mga ungol ni Warren nang ito ay makarating. Na sinundan ng katahimikan, mga kaluskos, pagtipa ng keyboard at pagpatay sa computer.

Muli, katahimikan bago ang pagpatay ng ilaw.

Nakiramdam siya sa dilim habang pinaglalabanan ang urge na muli itong silipin.

***

Kinabukasan, Lunes, pagbangon ni Angelo, gising na si Warren. Nakapaligo na ito at nagbibihis.

“Aalis ka ba?” ang tanong nito sa kanya.

“Oo, may pasok ako sa school,” ang sagot niya. “Ikaw, saan ang lakad mo?”

“May pasok din.”

“Sa trabaho?”

“Sa school. Kagaya mo, working student din ako.”

Hinagilap ni Angelo ang kanyang tuwalya at naghanda na ring maligo.

“Nandiyan sa mesa ang duplicate ng susi,” ang sabi ni Warren. “Sa’yo na ‘yan.”

“Ah, ok,” ang sabi niya. “Salamat.”

“Hanggang anong oras ang klase mo?”

“Alas-singko.”

“Pareho pala tayo.”

“Pagkatapos, diretso na ako sa trabaho.”

“Anong oras ang trabaho mo?”

“Six to twelve.”

“Saan ka nagtatrabaho?”

“Sa isang restobar. Waiter ako. Ikaw?”

“Dito lang sa bahay. On-line ang trabaho ko. Walang oras, basta’t sa gabi.”

At hindi inaasahan ni Angelo ang agaran at tuwiran nitong pagtatapat.

“Performer ako sa isang adult website,” ang kaswal na sabi ni Warren. “Naghuhubad ako, nagso-show sa internet.”

Natigilan siya. Hindi dahil nabigla siya kundi dahil hindi niya alam ang sasabihin.

“Kaya kung may nakita ka man kagabi, huwag ka nang magtaka. At masanay ka na dahil iyon ang trabaho ko.”

Napatango na lamang siya at nagmamadaling pumasok sa banyo.

Napansin kaya ni Warren ang kanyang ginawang paninilip?

***

At dahil wala nang inililihim, tila naging palagay na si Warren madatnan niya man itong nakahubad at may ginagawa. Wala nang conscious effort na magtakip o tumigil. Noong una ay asiwa siya at umiiwas ng tingin subalit kinalaunan ay nasanay na rin siya. Naging normal nang tanawin sa bahay ang kahubdan ni Warren. Maglakad-lakad man itong may erection, hindi na niya pansin. Marinig man niya ang mga ungol nito, hindi na siya naba-bother.

Subalit hindi iyon nangangahulugan na hindi na siya natutuksong umusyuso. Higit lalo kapag medyo unusual ang mga galaw at ingay nito. Palihim pa rin niyang hinahawi ang kurtina upang sumilip. At may mga pagkakataong nasa-shock pa rin siya. Katulad na lamang noong minsan na nakita niya itong may hawak na dildo.

Minsan naitanong niya kay Warren kung paano ito napasok sa ganoong trabaho.

“Nalaman ko ang tungkol sa LiveJasmin nang mag-pop up ito habang naka-XTube ako. Na-curious ako kaya tiningnan ko. Nakita ko na may mga lalaking performers. Aba, nagulat ako, may mga pinoy! Kabilang na roon ang isang dating bold actor.

“Napag-alaman ko na naka-base sa Portugal ang website. Na on-going ang kanilang recruitment. Na maaari kang magtrabaho mula sa bahay at flexible ang time. Na ang kanilang top earning performers ay kumikita ng daan-daang libo.

“Nagkataong kapos ako noon at naghahanap ng mapagkakakitaan kaya nagkainteres ako. Nag-email ako. Kaagad silang sumagot. At hindi nagtagal, mayroon na akong performer account.”

“Hindi ka ba nahirapan?” ang tanong ni Angelo.

“Noong una, oo,” ang sagot ni Warren. “Parang hindi ko alam ang gagawin. Ang hirap mang-akit at manghikayat na i-private. At kung ma-private man ako, hindi ko alam kung paano isu-sustain ang interest ng viewer, kung paano patatagalin para mas malaki ang aking kitain. Bukod pa sa ang dami kong kakumpetensiya, karamihan mga latino na pulos malalaki at guwapo.”

“So, anong ginawa mo?”

“Binisita ko ang chatroom ng mga popular at top-earning performers. Pinag-aralan ko ang kanilang ginagawa. Kung paano sila pumuwesto sa harap ng camera, kung paano sila kumilos, kung paano ang ekspresyon ng mukha, kung paano sumagot sa chat at magyaya. Tapos in-apply ko iyon. Awkward noong una dahil nakakangawit. Halimbawa, ‘yung wala kang suot tapos nakataas ang legs para itlog lang ang kita at hindi ang ari. O kaya yung pagma-masturbate na may balot na brief at ulo lang ang nasisilip. Pero sabi nga, practice makes perfect. At nang magsimulang dumami ang aking private, doon ko na-realize na natutunan ko rin ang tamang paraan ng pagse-seduce.”

“Kumusta naman ang bayad?”

“Every two weeks ang pay-out. ‘Yung pinakauna, hindi kalakihan pero higit sa aking inaasahan. Kaya nag-set ako ng goal, ng target earnings. Mula noon, kinarir ko na ang pagpe-perform. At sa ngayon, kumikita na ako ng malaki-laki. Hindi naman daan-daang libo pero sapat sa pangangailangan ko.”

“Mabuti naman at hindi ka nila niloko.”

“Hindi naman. Ikaw, bakit hindi mo subukan?”

Napatingin siya kay Warren tapos napailing. “Hindi ko kaya ang iyong ginagawa.”

“Wala namang hindi kakayanin kapag ginusto. Kesa nagtitiyaga ka sa pagwe-waiter. Bukod sa mahirap, maliit ang suweldo.”

“Hindi. Ok na ako sa pagwe-waiter. Kahit kailan, hinding-hindi ko magagawang pasukin ang pagiging sex performer.”

Nagkibit-balikat na lamang si Warren. Pero sa isip-isip nito, tingnan natin.

Dahil may kasabihan nga: Huwag magsalita nang tapos dahil baka sa huli, kainin mo ang iyong sinabi.

(May Karugtong)

Part 3

12 comments:

mcfrancis said...

oo nga!!! wag magsasabi ng patapos!!!

Lasher said...

Nice, nice, nice!
As always, always, always!
=)

JJ Roa Rodriguez said...

That's true. 'wag magsasalita n tapos. Sad story but nicely done...

JJRod'z

the green breaker said...

ako, lagi kong kinakain ang sinasabi ko. kaya't may natutunan ako! haha. naks.

Great Filipino Recipes said...

I like your site dude.

matt said...

can't wait for the next issue

Aris said...

@mcfrancis: korekness. :)

@lasher: thank you, lasher. mas pagagandahin ko pa para sa'yo. :)

@jj: medyo sad nga ang reality na pinaghugutan ng story. pero malay natin, baka happy ending. abangan. :)

Aris said...

@the green breaker: i'm glad. haha! ako rin, may mga sinabi noon na hindi ko napangatawanan. ayun, kinain ko rin. :)

@great filipino recipes: wow, i like your site, too! mahilig kasi akong magluto. i'll be trying your tapa and barbecue recipes. thank you. :)

@matt: will post asap. thanks, matt. :)

citybuoy said...

Matinding setup to, Aris ha. I love! :)

dark_knight said...

yum yum.. ^_^

Aris said...

@citybuoy: para maiba naman hehe! thanks, nyl. :)

@dark knight: parang si coco martin lang. yummy! hehe! thanks. :)

Yas Jayson said...

Ghaaaad. Intense. Haha.