Hit | Miss

hindi kita dapat nginitian 
nang magkatinginan tayo sa bookstore 
pero ngumiti ka rin

napa-“hi!” ako tuloy

at nag-“hi!” ka rin

“coffee?” ang aking imbitasyon

“sure,” ang iyong sagot.

nagsabihan tayo ng pangalan

nag-usap tungkol sa mga bagay-bagay

movies, books, music

(magkaiba ang ating hilig

but it didn't matter)

at nang wala nang ibang mapag-usapan

nagkatanungan tayo tungkol sa boyfriend.

“we broke off a month ago,” ang sabi ko

“pareho pala tayo,” ang sabi mo

“i think i’m over him,” ang dugtong ko pa

“ako, ewan ko, hindi pa yata.”

“bakit kayo naghiwalay?”

nagkuwento ka at nakinig ako

ayoko sana pero interesado ako sa’yo.

akala ko, interesado ka rin sa akin

kaya sumama kang mag-coffee

pero kailangan mo lang pala ng kausap

at mahihingahan ng sama ng loob

it has nothing to do with me

you’re still hung up with your ex

at nahihirapang mag-move on.

well, ako, naghahanap ako ng pamalit

kaya nga nang makita kita, nginitian kita

aaminin ko, na-attract ako sa’yo

dahil may hawig ka sa ex ko

your eyes, most especially, na kakaiba kung tumitig

at ngayon ko lang naisip,

marahil ako rin, hindi pa nakaka-get-over.

naubos ang ating mga kape

at naubusan na rin tayo ng masasabi

“it was nice meeting you but i have to go.”
walang exchange numbers na nangyari

at habang papalayo, nalungkot akong bigla

hindi dahil hindi ka pwede 
kundi dahil na-miss ko siya.